Uch top-klub Niko Uilyamsni sotib olmoqchi

Ispaniya terma jamoasi va Bilbaoning “Atletik” klubining hujumkor yarim himoyachisi Niko Uilyamsga Yevropa klublari orasida talab katta. Bu haqda Todofichajes portali jurnalistlari xabar bermoqda.

Manbaga ko‘ra, 22 yoshli vingerning transferiga "PSJ", shuningdek, Londonning "Chelsi" va "Arsenal" klublari qiziqish bildirmoqda. Uilyamsning transfer narxi 70 million yevroga baholanmoqda.

Niko va bask klubi o‘rtasidagi amaldagi mehnat shartnomasi 2027 yilning yozida tugaydi. Ispaniya chempionatining joriy mavsumida vinger 11 o‘yin o‘tkazib, bitta gol va bitta golli uzatmaga mualliflik qilgan.