«Real» yulduzini APLning uchta top klubi sotib olmoqchi

Angliya terma jamoasi va «Real» klubi yarim himoyachisi Jud Bellingemga Premyer-liganing top klublari orasida talab katta. Bu haqda «Todofichajes» portali sahifalarida xabar berildi.

Manba bergan xabarga ko‘ra, yulduz yarim himoyachiga «Manchester Yunayted», «Liverpul» va Londonning «Chelsi» klublari qiziqish bildirmoqda. «Real Madrid» o‘z navbatida Bellingemni 150 million yevrodan kamiga qo‘yib yubormaydi. Futbolchi bo‘yicha yakuniy qarorni «qirollik» klubi prezidenti Florentino Peres qabul qiladi.

Bellingemning "Los-Blankos" bilan mehnat shartnomasi 2029 yilning o‘rtalariga qadar amal qiladi. La Liganing joriy mavsumida 21 yoshli angliyalik futbolchi 7 ta o‘yin o‘tkazib, bitta golli uzatmani amalga oshirdi.