«Tottenxem» Sonning shartnomasini uzaytirish imkoniyatini faollashtirmoqda

«Tottenxem» hujumchi Son Xyon Min bilan shartnomani uzaytirish variantini faollashtirishni rejalashtirmoqda.

"Telegraph Sport" xabariga ko‘ra, ingliz klubi o‘z sardori bilan xayrlashmoqchi emas. Sonning «Tottenxem» bilan shartnomasi mavsum oxirida tugaydi, biroq shartnomada klub futbolchi bilan shartnomani bir tomonlama uzaytirishi mumkin bo‘lgan variant mavjud.

32 yoshli vinger 2015 yilda 30 million yevro evaziga «Bayer»dan «Tottenxem»ga o‘tgan edi.