Kanisares Rodri va Buskets o‘rtasida tanlov qildi

"Valensiya"ning sobiq darvozaboni Santyago Kanisares "Oltin to‘p" sohibi Rodri Ernandes va "Barselona"ning sobiq yarim himoyachisi Serxio Busketsni solishtirdi.

"Rodri Serxio darajasiga yetdi, menda shubha yo‘q. Uning ba’zi fazilatlari Busketsdan ham yaxshiroq. Lekin Serxioda Rodrida yo‘q narsa bor. Agar bugungi futbol haqida gapiradigan bo‘lsak, Ernandes Busketsdan yaxshiroq", - dedi Kanisares Marca bilan suhbatda.

Rodri - "Manchester Siti" futbolchisi. Uning transfer qiymati 130 million yevroga baholanmoqda. Buskets MLSda "Inter Mayami"da o‘ynamoqda.