"Yuventus" qishda ikkita himoyachini o‘z safiga qo‘shib olmoqchi
"Yuventus" qishki transfer oynasida bir nechta shartnomalarni rejalashtirmoqda.
Gazzetta dello Sport xabariga ko‘ra, yanvar oyida Turin klubi Bremer va Xuan Kabalning jarohati tufayli yo‘qotishlarini qoplashga harakat qiladi. "Yuventus" himoyada o‘yinchilar yetishmasligini bartaraf etish uchun ikkita himoyachi bilan o‘z tarkibini kuchaytirmoqchi.
"Yuventus" "PSJ" himoyachisi Milan Shkrinyar va "Feyenoord" vakili David Ganskoga qiziqish bildirmoqda. Turinliklar qishda klub bilan ziddiyatda bo‘lgan Shkrinyarni ijaraga olishlariga umid qilmoqda, ammo muammo futbolchining yiliga 10 million yevro atrofidagi maoshida.
