"Bornmut" yanvar oyida yangi hujumchi sotib olishga harakat qiladi

Angliyaning "Bornmut" klubi qishki transfer oynasida asosiy hujumchilar Evanilson va Enes Unalning jarohati tufayli yangi hujumchi sotib olishga harakat qiladi.

TEAMtalk manbalarining xabar berishicha, "Bornmut" Evan Fergyusonning transferi bo‘yicha "Brayton"ga rasmiy so‘rov yuborgan. Klub vakillari allaqachon 20 yoshli futbolchining atrofidagilar bilan gaplashib olishgan.

"Chaykalar" rahbariyati o‘z hujumchisini ijaraga berishga tayyor, ammo "olchalar" futbolchining transferini to‘liq vaqtli ravishda rasmiylashtirishga harakat qilishlari mumkin. Transfer narxi 40 million funt atrofida bo‘lishi kutilmoqda.

Irlandiyalik forvard joriy mavsumda “Brayton” safida barcha musobaqalarda 14 ta o‘yinda maydonga tushib, atigi 1 ta gol urgan.