"Chelsi" futbolchisi "Napoli"da qiziqish uyg‘otdi

"Napoli" "Chelsi" markaziy himoyachisi Renatu Veygani sotib olmoqchi. Bu haqda insayder Fabrisio Romano xabar bermoqda.

Manbaga ko‘ra, 21 yoshli portugaliyalik futbolchiga "Napoli" qiziqish bildirmoqda. Italiya grandi himoyachini yanvarda ijaraga olmoqchi, biroq boshqa klublar ham futbolchiga etibor qaratmoqda, deydi jurnalist.

Shu bilan birga, "Chelsi" bosh murabbiyi Enso Mareska uchun Veyga juda muhim ekani, shu bois futbolchining qishda qo‘yib yuborilishi hozircha ma’lum emasligi aytilmoqda.

Joriy mavsumda Veyga barcha musobaqalarda 17 ta o‘yin o‘tkazib, 2 ta gol urdi va bitta golli uzatmani amalga oshirdi.