"Galatasaroy" Osimxenni saqlab qolish va "Manchester Yunayted"ga o‘tishiga yo‘l qo‘ymaslik uchun hamma narsani qiladi

"Galatasaroy" "Napoli"dan mavsum oxirigacha ijaraga olingan hujumchi Viktor Osimxenning yanvarda jamoani tark etishiga yo‘l qo‘ymaslik uchun "qo‘lidan kelgan barcha ishni" qilishga bel bog‘lagan. Bu haqda Turkish Football nashri xabar berdi.

Manbaga ko‘ra, "Manchester Yunayted" nigeriyalik futbolchiga faol qiziqish bildirmoqda va uni qishda sotib olmoqchi, biroq turk grandlari bunga yo‘l qo‘ymoqchi emas va Osimxenni kelasi yozda doimiy ravishda qo‘lga kiritish ustida ishlamoqda. Ta’kidlanishicha, 26 yoshli hujumchi joriy mavsumni "Galatasaroy"da yakunlamoqchi.

Osimxen joriy mavsumda barcha turnirlarda 16 ta o‘yin o‘tkazib, 13 ta gol urdi va 5 ta golli uzatmani amalga oshirdi.