«Galatasaroy» Osimxen uchun 50 million yevro to‘lashga tayyor

«Galatasaroy» «Napoli» hujumchisi Viktor Osimxenni sotib olishni rejalashtirmoqda.

Turkiyaning «Sozcu» portali xabariga ko‘ra, «Galatasaroy» yaqin orada «Napoli» bilan muzokaralarni boshlashni rejalashtirmoqda, turk klubi hujumchi uchun taxminan 50 million yevro taklif qilishga tayyor va nigeriyalik uchun kurashda «Chelsi»dan oldinga o‘tishni istamoqda. Qayd etilishicha, agar «Galatasaroy» «Napoli» bilan kelishuvga erisha olsa, u holda futbolchining o‘ziga 5 yillik shartnoma taklif qilinadi.

Joriy mavsumda 25 yoshli forvard yettita uchrashuvda qatnashib, to‘rtta gol urdi va uchta golli uzatmani amalga oshirdi.