Tirni yangi jamoaga o‘tishga yaqin turibdi

"Arsenal"ning chap qanot himoyachisi Kiran Tirni "Seltik"ga qaytishga yaqin, deb yozadi Nikolo Skira.

27 yoshli shotlandiyalik futbolchi "Seltik"ning yoshlar tizimi mahsuli bo‘lib, 2014 yildan 2019 yilgacha jamoada to‘p tepgan va 27 million yevro evaziga "kanonirlar" safiga qo‘shilgan. Oldinroq Tirni Aleksandr Zinchenko va Gabriel Jezus bilan birga jamoa bosh murabbiyi Mikel Artetaning rejalariga kiritilmagani haqida ma’lumotlar paydo bo‘lgandi.

Kiran o‘tgan mavsumni "Real Sosyedad"da ijara asosida o‘tkazdi.