"Vulverxempton" grandlar e’tiboridagi yetakchisi bilan yangi shartnoma imzolaydi

"Vulverxempton" o‘zining asosiy yulduzi bilan shartnomani uzaytiradi.

Jurnalist Fabrisio Romano xabariga ko‘ra, "bo‘rilar" rahbariyati hujumchi Mateus Kunya bilan yangi shartnoma bo‘yicha kelishib olgan, braziliyalikning maoshi oshadi. Qayd etilishicha, hali hal qilinishi kerak bo‘lgan byurokratik nyuanslar bor, shundan so‘ng hujumchi yangi shartnomani imzolaydi.

Kunyaga Yevropaning bir qancha top klublari qiziqish bildirishayotgandi. 25 yoshli Kunya joriy mavsumda "bo‘rilar" safida barcha turnirlarda 20 ta o‘yinda maydonga tushib, 10 ta gol urdi va 4 ta golga assistentlik qildi. Braziliyalik futbolchining transfer qiymati 50 million yevroga baholanmoqda.