Osimxenning tovon puli borasida ma’lumotlar paydo bo‘ldi
"Galatasaroy"da ijara asosida o‘ynayotgan "Napoli" hujumchisi Viktor Osimxen bilan shartnoma tafsilotlari ma’lum bo‘ldi.
2025 yilning yanvaridan boshlab nigeriyalik hujumchining tovon puli 81 million yevroni tashkil qiladi, iyulda esa 75 millionga tushiriladi.
Eslatib o‘tamiz, avvalroq 25 yoshli Osimxenga "PSJ", "Chelsi" va "Manchester Yunayted" klublari qiziqayotgani haqida ma’lumotlar paydo bo‘lgandi. Ulardan tashqari "Galatasaroy" ham Viktorni o‘z jamoasida saqlab qolmoqchi.
Osimxen joriy mavsumda 17 ta o‘yinda 12 ta gol urdi va 5 ta golli uzatmani amalga oshirdi.
