"Yuventus" xavbeki qishda jamoani tark etishi mumkin
"Yuventus" markaziy yarim himoyachisi Duglas Luis yanvarda jamoani tark etishi mumkin.
Bu haqda Sky Sports xabar bermoqda.
Manbaga ko‘ra, "Yuventus" 26 yoshli braziliyalik futbolchini majburiy sotib olish sharti bilan ijaraga berishni rejalashtirmoqda.
Eslatib o‘tamiz, Luis "Yuventus"da 2024 yilning yozidan buyon o‘ynab kelmoqda. Iyul oyida yarim himoyachini "Aston Villa"dan sotib olish turinliklar uchun 51,5 million yevroga tushgan edi.
