Mareska: "Biz endi boshladik"

"Chelsi" bosh murabbiyi Enso Mareska so‘nggi muvaffaqiyatsiz natijalar jamoaning kayfiyatiga ta’sir qildimi, degan savolga javob berdi.

"Yo‘q. Biz yutqazishni yoki ochkoni yo‘qotishni yoqtirmaymiz, lekin bu bizning safarimizga ta’sir qilmaydi, chunki biz mavsum davomida mag‘lubiyatlar bo‘lishini bilamiz. Biz mavsumning birinchi qismini yakunlayapmiz va endi ikkinchi qismini boshlayapmiz, g‘alaba va mag‘lubiyatlar bo‘ladi deb o‘ylaymiz, lekin yaxshilanish muhim.

Safarimiz besh-olti yil oldin emas, balki besh-olti oy oldin boshlangan. Boshqa jamoalar yo‘lni besh yoki olti yil oldin boshlagan va endi ular Premyer-ligada g‘alaba qozonish uchun kurashmoqda. Biz esa yo‘lni faqat besh yoki olti oy oldin boshladik," - dedi Mareska matbuot anjumanida.