Mareska: "Faqatgina yaxshi o‘yinchilarning borligi bilan ish bitmaydi"
"Chelsi" murabbiyi Enso Mareska jamoa tarkibi Premyer-liga chempionligi uchun kurash olib borish uchun yetarli darajada yaxshimi, degan savolga javob qaytardi.
"Sizda faqat yaxshi futbolchilarning borligi yetarli bo‘lmaydi. Chempionlik kurashi uchun yaxshi bo‘lishning o‘zi yetarli emas - boshqa narsalar ham kerak. Biz jipslik va qiyin damlarda jamoaga aylanish kabi jihatlarni qo‘shishimiz kerak. Biz bilan "Manchester Siti," "Arsenal" va "Liverpul" o‘rtasidagi farq shunda. Ular jamoa sifatida ko‘proq tayyor. Umid qilamanki, tez orada biz ham bu ro‘yxatda bo‘lamiz," - dedi Mareska matbuot anjumanida.
