London top-klubi "PSJ" hujumchisini sotib olishga yaqin turibdi

Angliyaning top-klublaridan biri parijliklar hujumchisi bilan shartnoma imzolashga yaqin turibdi.

TEAMtalk xabariga ko‘ra, Londonning “Tottenxem” klubi “PSJ”ning fransiyalik iqtidorli hujumchisi Randal Kolo-Muanini sotib olishga yaqinlashmoqda. Ma’lumki, klub prezidenti Daniyel Levi va texnik direktor Yoxan Lange allaqachon Fransiya terma jamoasining 26 yoshli futbolchisining transferi borasida muzokaralar olib borish uchun Fransiyaga uchib ketishgan.

Umumiy transfer narxi 55 million funt sterling atrofida bo‘lishi mumkin, ammo "Tottenxem" futbolchini avval ijaraga olishi va 2026 yildan keyin to‘liq summani to‘lashi mumkin. Futbolchi haftasiga taxminan 165 ming funt maosh olishi kutilmoqda.