Ta: "Hozircha hech narsa hal etilmagan"

Leverkuzenning "Bayer" klubi markaziy himoyachisi Jonatan Ta "Barselona" bilan muzokaralar haqida gapirdi.

Kataloniya grandi joriy mavsum yakunida erkin agent sifatida «dorichilar»ni tark etadigan 28 yoshli futbolchiga asosiy da’vogar sanalmoqda.

Hozircha kelishuvga erishilmaganini futbolchining o‘zi ham intervyuda tasdiqladi.

“Hozircha hech narsa hal etilmagan. Hozir bor e’tiborimni "Bayer" bilan muvaffaqiyatga erishishga qaratganman.

Qaror tez orada qabul qilinadi va men bu haqda sizga darhol xabar beraman", – dedi Ta.