"Las-Palmas" "Spartak" hujumchisini o‘z safiga qo‘shib olmoqchi
"Las-Palmas" "Spartak" hujumchisi Villian Jozeni sotib olishga yaqin turibdi. Ispaniya klubi uzoq vaqtdan beri hujum chizig‘ini kuchaytirish uchun o‘yinchi bilan shartnoma imzolamoqchi edi.
Joze qishki transfer oynasida "Las-Palmas"ga o‘tadi. Transfer summasi taxminan 1,5 million yevroni tashkil qiladi.
Joze shu yilning iyul oyida "Betis"dan "Spartak"ka o‘tgandi. Uning shartnomasi 2026 yilning iyunigacha amal qiladi. Joriy mavsumda 33 yoshli forvard 13 ta o‘yinda maydonga tushib, bitta gol urgan.
