"Arsenal" ispaniyalik iqtidorga qiziqish bildirmoqda
"Las-Palmas" yarim himoyachisi Alberto Moleyro Londonning "Arsenal" klubining nishonida. "Sariqlar" 21 yoshli futbolchi bilan yangi shartnoma borasida kelisha olmasa, mavsum yakunlanganidan keyin uni sotishni ko‘rib chiqadi.
Superdeporte nashri xabariga ko‘ra, ispaniyalik futbolchiga "Arsenal" qiziqish bildirmoqda. Futbolchi Londonga ko‘chib o‘tish variantini ma’qullaydi - u "kanonirlar" loyihasini qiziqarli deb hisoblaydi. Transfer narxi taxminan 20 million yevroni tashkil qilishi mumkin.
Alberto Moleyro joriy La Ligada 13 uchrashuvda 4 ta gol urdi. Ispaniya yoshlar terma jamoasining hujumkor yarim himoyachisining “Las-Palmas” bilan shartnomasi 2026 yilning o‘rtalariga qadar tuzilgan. Moleyro avvalroq "Barselona"da o‘ynashni xohlashini tan olgandi.
