"Yuventus" yanvar oyida "Manchester Yunayted" yulduz futbolchisini sotib olishi mumkin
"Manchester Yunayted" hujumchisi Joshua Zirkzee A Seriyaga qaytishi mumkin.
23 yoshli futbolchi "qizil iblislar" safida 17 ta o‘yinda maydonga tushib, atigi 1 ta gol va 2 ta golli uzatmani amalga oshirgani uchun tanqid ostiga olindi. TuttoSport xabariga ko‘ra, "Yuventus" yanvar oyida Zirkzeeni sotib olishga harakat qilishi mumkin. Niderlandiyalik futbolchini Tiago Motta Dushan Vlaxovichga munosib o‘rinbosar deb biladi.
"Manchester Yunayted" Zirkzeeni iyul oyida "Bolonya"dan 42,5 million yevro evaziga sotib olgandi. Futbolchining ingliz grandi bilan shartnomasi 2029 yilgacha mo‘ljallangan.
