Mourinyo Ronalduni Turkiyaga chorlamoqda

Krishtianu Ronaldu 2023 yil boshidan buyon Saudiya Arabistonining “An-Nasr” klubida o‘ynab kemoqda.

Cadena SER nashri xabar berishicha, portugaliyalik hujumchi Yevropadan taklif olgan. Ma’lumotlarga qaraganda, Ronalduga go‘yoki Turkiyada "Fenerbaxche"ni boshqarayotgan Joze Mourinyo qo‘ng‘iroq qilgan.

"U yerda baxtlimisiz? Siz ketishingiz mumkinligi haqida mish-mishlar bor. Agar ketsangiz, "Fenerbaxche"ga o‘tasizmi?" - dedi Mourinyo, manbaga ko‘ra.

Qayd etilishicha, Joze Mourinyo yanvar oyida Krishtianu Ronalduni "Fenerbaxche"da ko‘rishni xohlagan. Xabaringiz bor, bir paytlar Mourinyo va Ronalduning yo‘li "Real"da kesishgan.