Zinchenko qishdayoq "Arsenal"dan ketishi mumkin
Aleksandr Zinchenko va yana ikki futbolchi "Arsenal"ni tark etishi mumkin.
Daily Mail xabariga ko‘ra, ukrainalik himoyachi ushbu transfer oynasida klubni tark etishi mumkin. "Kanonirlar" mavsum oxirida hujumchi Gabriel Jezus bo‘yicha takliflarni ham tinglaydi va Tomas Parti bilan yozda tugaydigan shartnomani uzaytirish niyatida emas.
"Arsenal" Premyer-liganing daromadlilik va barqarorlik qoidalariga rioya qilishda muammoga duch kelmaydi, ammo klub baribir ularga rioya qilishiga ishonch hosil qiladi.
Qolaversa, London klubi katta sotuvlarsiz o‘zini qiziqtirgan "Nyukasl" hujumchisi Aleksandr Isak uchun transfer taklifi bilan chiqa olmaydi.
