Yangi sport direktori yulduz hujumchini "Arsenal"ga olib kelishi mumkin
"Nyukasl" hujumchisi Aleksandr Isak Londonning "Arsenal" klubining transfer maqsadlari orasida qolmoqda.
"Kanonirlar" qimmat shvedni kelasi yozda sotib olish imkoniyatini ko‘rib chiqmoqda, bu haqda joriy mavsumda bir necha bor xabar berilgandi. Jurnalist Florian Plettenbergning so‘zlariga ko‘ra, hozirda "Real Sosyedad"da ishlayotgan sport direktori Roberto Olabening "Arsenal"ga kelishi kelishuvga yordam berishi mumkin. 2019 yilda funksioner forvardni bask klubiga olib kelgandi - shundan beri u va futbolchi vakillari o‘rtasida yaxshi munosabatlar saqlanib qolgan.
Transfermarkt portali ma’lumotlariga ko‘ra, Aleksandr Isakning narxi 75 million yevroni tashkil qiladi.
