London klublari "Nyukasl"ning yulduzi uchun raqobat qilishga tayyor

TEAMtalk xabariga ko‘ra, Londonning “Chelsi” klubi “Arsenal” bilan birga Aleksandr Isak uchun kurashga qo‘shilgan.

"Chelsi" yaqinda "Nyukasl"ga Aleksandr Isak bo‘yicha so‘rov yubordi, ammo "magpiylar" 25 yoshli hujumchisi uchun kamida 115 million funt talab qiladi. Ma’lumki, "kanonirlar" ham futbolchini faol kuzatib borishmoqda.

Avvalroq TEAMtalk manbalari Isak doimiy ravishda Chempionlar ligasida o‘ynaydigan va sovrinlar uchun kurashadigan klubda o‘ynashni xohlayotganini ta’kidlagan edi.

Aleksandr Isak joriy mavsumda “Nyukasl” safida barcha turnirlarda 11 ta o‘yinda maydonga tushib, 5 ta gol urdi va 2 ta golli uzatmani amalga oshirdi.