Arteta Zinchenkoning ishidan xafa bo‘ldi

"Arsenal" bosh murabbiyi Mikel Arteta ukrainalik himoyachi Aleksandr Zinchenko o‘zining "Believe" avtobiografiyasida murabbiyning parda ortidagi faoliyati haqida gapirganidan norozi bo‘ldi, deb yozadi The Times.

Manbaga ko‘ra, 42 yoshli mutaxassis Zinchenko o‘z kitobida "Arsenal"ning sirlarini ochib berganini bilgach, bundan xursand bo‘lmagan.

Ukrainalik futbolchi Arteta kabi detallarni sinchiklab o‘rganadigan murabbiyni hech qachon ko‘rmaganini yozgandi.