Alonso - Keynning jarohati haqida: «Bavariya»da har bir pozisiya uchun ikkitadan futbolchi bor»
«Bayer» bosh murabbiyi Xabi Alonso Germaniya kubogi 1/8 finalida Myunxenga qarshi o‘yin oldidan «Bavariya» hujumchisi Xarri Keynning jarohati haqida gapirdi.
«Albatta, Keyn muhim o‘yinchi, ammo ularda Myuller, Gnabri, Olise, Tel kabi ko‘plab variantlar bor. «Bavariya»da har bir pozisiya uchun ikkitadan o‘yinchi bor, o‘ngda Olise va Sane, chapda Gnabri va Koman. Keling, ertaga nima bo‘lishini ko‘ramiz. Ular Keynsiz o‘z o‘yinlarini qanday qurishlarini bilmayman, ammo bu bizga bog‘liq emas», - dedi Alonso o‘yinoldi matbuot anjumanida.
«Bavariya» - «Bayer» uchrashuvi ertaga tunda, 4 dekabr kuni Toshkent vaqti bilan 00:45 da bo‘lib o‘tadi.
