«Yuventus» yetakchisi «Bolonya»ga qarshi o‘yinda maydonga tushadi

«Yuventus» hujumchisi Dushan Vlaxovich «Bolonya»ga qarshi o‘ynashi mumkin, deya xabar berdi jurnalist Romeo Agresti.

Avvalroq futbolchi jarohati sabab bir qancha o‘yinlarda maydonga tushmagandi. U «Milan», «Aston Villa» va «Lechche»ga qarshi so‘nggi 3 ta o‘yinni o‘tkazib yubordi.

24 yoshli serb joriy mavsumda «Yuve» safida 16 ta o‘yin o‘tkazib, 9 ta gol va 1 ta golli uzatmani amalga oshirdi.

A Seriyaning 15-turidan o‘rin olgan «Yuventus» – «Bolonya» uchrashuvi 7 dekabr kuni bo‘lib o‘tadi.