«Yuventus» «Manchester Yunayted» futbolchisi bilan muzokaralarni boshladi

«Manchester Yunayted» hujumchisi Joshua Zirkzee «Yuventus»ga o‘tishi mumkin.

Turin klubi vakillari allaqachon niderlandiyalikning atrofidagilar bilan muzokaralarga kirishgan, deb xabar bermoqda «Corriere Dello Sport». Ayni damda Angliyada yaxshi debyut mavsumini o‘tkazmayotgan 23 yoshli «qizil iblislar» futbolchisi uchun kurashni aynan «keksa senyora» boshqarmoqda.

Joshua Zirkzee shu yilning iyul oyida «Bolonya»dan 42,5 million yevro evaziga «Manchester Yunayted»ga o‘tgan edi. Forvard mankunianliklar safida barcha musobaqalarda 18 ta o‘yin o‘tkazib, bitta gol va ikkita golli uzatmaga mualliflik qilgan.