"Manchester Siti" "Ipsvich" hujumchisini ko‘zlamoqda

"Ipsvich" hujumchisi Liam Delap "Manchester Siti"ga qaytishi mumkin, deb yozadi Football Insider.

Liam 2019 yildan 2024 yilgacha "Manchester Siti"ga tegishli edi. Joriy yilning iyul oyida "shaharliklar" Delapni 17,85 million yevro evaziga "Ipsvich"ga qo‘yib yuborishgandi, biroq 21 yoshli futbolchining harakatlarini kuzatishda davom etishdi.

Taxminlarga ko‘ra, Liam "Ipsvich" bilan shartnoma imzolaganida, shartnomada futbolchining "Manchester Siti"ga qaytishi bandi kiritilgan, biroq sotib olishning aniq summasi oshkor qilinmagan.

Joriy mavsumda Rori Delapning o‘g‘li 12 ta o‘yinda 6 ta gol urdi va 1 ta golli uzatmani amalga oshirdi.