Vinisiussiz "Real" qanday taktikada o‘ynaydi?

"Real Madrid" bosh murabbiyi Karlo Anchelotti jamoaning braziliyalik vingeri Vinisius Juniorning jarohati tufayli "Liverpul" bilan Chempionlar ligasi umumiy bosqichi 5-tur uchrashuvida jamoani 4-4-2 sxemasiga to‘liq o‘tkazmoqda. Bu haqda Ispaniyaning Relevo nashri xabar berdi.

Manbaga ko‘ra, "Los-Blankos" "Liverpul" bilan o‘yinga fransiyalik hujumchi Kilian Mbappe va marokashlik hujumkor yarim himoyachi Braim Dias juftligini hujumda o‘ynashga tayyorlamoqda. Ayni paytda turkiyalik hujumkor futbolchi Arda Gyuler yarim himoya qanotlaridan birida maydonga tushishi kerak.

“Liverpul” – “Real” uchrashuvi bugun, 27 noyabr kuni “Enfild”da bo‘lib o‘tadi.