APL grandlari “Real” futbolchisiga ko‘z tikkan

Madridning “Real” klubi yarim himoyachisi Braim Dias Angliyaga qaytishi mumkin.

Marokashlik futbolchi Karlo Anchelotti jamoasida muntazam o‘yin amaliyotiga ega emas.

TBR Football xabariga ko‘ra, Angliyaning "Liverpul", "Tottenxem" va "Arsenal" klublari vaziyatni kuzatib borishmoqda.

25 yoshli hujumkor yarim himoyachi asosiy tarkibda tez-tez maydonga tushishni istardi, shu bois uning ketishi mumkinligi haqidagi mish-mishlar matbuotda ko‘proq paydo bo‘lmoqda.

Braim Diasning nufuzli Transfermarkt portalidagi qiymati 40 million yevroni tashkil qiladi. Joriy mavsumda “Los-Blankos” safida 9 ta o‘yinda maydonga tushgan futbolchi 1 ta gol va 2 ta golli uzatmani amalga oshirdi.