Paredes qishda "Roma"ni tark etmaydi
"Roma" yarim himoyachisi Leandro Paredes qishki transfer oynasida "Boka Xuniors"ga qaytishi mumkinligi haqida gapirdi.
"Roma"ni mavsum oxirigacha tark etmayman, klub bilan shartnomam bor, uni bajarish niyatim bor", — deya Paredes so‘zlarini keltirmoqda TycSports.
Paredes o‘tgan yozda "PSJ"dan "Roma"ga o‘tgan edi. 30 yoshli argentinalik futbolchi joriy mavsumda Rim klubi safida 8 ta o‘yin o‘tkazib, bitta golli uzatmani amalga oshirdi. Paredesning "Roma" bilan amaldagi shartnomasi 2025 yilning 30 iyuniga qadar tuzilgan va uning transfer narxi 8 million yevroga baholanmoqda.
Joriy mavsum "Roma" uchun juda yomon o‘tmoqda, 12 turdan keyin Ranyeri shogirdlari turnir jadvalida atigi 12-o‘rinni egallab turibdi.
