Salohning yurtdoshi Bundesligani yondirmoqda

Omar Marmush joriy mavsumda Frankfurtning "Ayntraxt" jamoasida 16 ta o‘yinda 14+10 ko‘rsatkichga ega.

Frankfurtlik hujumchi Bundesliganing 10-turida "Shtutgart"ga qarshi o‘yinda (3:2) gol urdi va Yugo Ekitikega golli uzatma berdi.

Misrlik futbolchi Germaniya chempionati to‘purarlari ro‘yxatini Xarri Keyn bilan birga 10 uchrashuvda 11 ta gol urgan holda peshqadamlik qilmoqda. Marmush, shuningdek, Yevropa Ligasining 4 ta o‘yinida 2 ta va Germaniya kubogining 2 o‘yinida bittadan gol urgan.

Marmush top-5 ligada "Liverpul"dan Muhammad Saloh bilan birga golli uzatmalar bo‘yicha birinchi o‘rinni egallab turibdi - ikkalasida ham 10 ta golli uzatma bor.

Omar Germaniya chempionatida 7 ta, Yevropa ligasida bitta va Germaniya kubogida 2 ta golli uzatmani amalga oshirgan.