Gvardiola: "Ba’zida men ham o‘zimni nazorat qila olmayman"

"Manchester Siti" yaqinda o‘tgan mavsum haqidagi hujjatli filmdan lavhani namoyish qildi. Ushbu parchada jamoa bosh murabbiyi Pep Gvardiola kiyinish xonasida o‘yinchilarga baqiradi. Ispaniyalik mutaxassis bu borada fikr bildirdi.

"Ba’zida o‘yinlardan keyin g‘azab bilan futbolchilarimga his-tuyg‘ularimni bildirsam, unchalik g‘ururlanmayman. Men odamman va men xato qilaman, lekin bu menga yoqmaydi. Ba’zida men ham o‘zimni nazorat qila olmayman", - dedi Gvardiola Goal bilan suhbatda.

"Manchester Siti" ayni damda Angliya Premyer-ligasi turnir jadvalida ikkinchi o‘rinda bormoqda. Gvardiola jamoasi peshqadam "Liverpul"dan 5 ochko ortda qolmoqda.