Gvardiola ten Xag haqida: "U kuchliroq bo‘lib qaytadi"

"Manchester Siti" bosh murabbiyi Pep Gvardiola "Manchester Yunayted"ni boshqargan niderlandiyalik mutaxassis Erik ten Xagning iste’fosiga munosabat bildirdi.

"Murabbiy ishini yo‘qotsa, o‘zimni yomon his qilaman. Men u bilan yaxshi munosabatdaman. Menimcha, u "Manchester Yunayted"ni yaxshi himoya qildi. Bu ishda siz ishdan bo‘shatilishni kutasiz. Bu shifokorlar yoki o‘qituvchilar bilan sodir bo‘lmaydi. Unga va uning oilasiga eng yaxshi tilaklarimni tilayman. U kuchliroq qaytib keladi. Bizning ishimiz natijalarga bog‘liqligini Ten Xag biladi va men ham bilaman", - dedi Gvardiola AS bilan suhbatda.

"Manchester Yunayted" kecha, 28 oktyabr kuni ten Xagni ishdan bo‘shatganini e’lon qildi.