Gvardiola: "Chempionshipdan chiqqan jamoalarni hurmat qilaman"

"Manchester Siti" shanba kuni APL doirasida "Sautgempton"ga qarshi o‘yin o‘tkazadi. O‘yin arafasida “shaharliklar” bosh murabbiyi Xosep Gvardiola jurnalistlar bilan suhbatlashdi.

"Men chempionshipdan chiqqan jamoalarni doim hurmat qilaman. Chempionship jamoalari nechta o‘yin o‘tkazishini hisobga olsak, ba’zida band bo‘lgan taqvimdan qanday shikoyat qilishimizni bilmayman.

Chempionlar ligasi o‘yinidan so‘ng, men Premyer-ligada jadvalning eng yuqori pog‘onasida turgan jamoa bilan o‘ynashni afzal ko‘raman, chunki bunda sizda konsentrasiya yuqoriroq bo‘ladi", - dedi Gvardiola.

"Manchester Siti" va "Sautgempton" o‘yini 26 oktyabr shanba kuni bo‘lib o‘tadi.