Anchelotti "Barselona"dagi o‘zgarishlar haqida gapirdi

"Real Madrid" bosh murabbiyi Karlo Anchelotti "El Klasiko" oldidan "Barselona"dagi o‘zgarishlar haqida gapirdi.

"Barselona" o‘z o‘yini haqida aniq tasavvurga ega. Ular juda jasur jamoa va biz yaxshi tayyorgarlik ko‘rishimiz kerak. "Barselona"dagi o‘zgarishlar? Flik o‘z o‘yinining falsafasini o‘zgartirdi, lekin menimcha, Xavi u yerda ham ajoyib ish qildi. Men ularni solishtirmoqchi emasman. Biz bu “Barselona”ni xuddi Xavining “Barselona”sini hurmat qilgandek hurmat qilamiz", dedi Anchelotti matbuot anjumanida.

“Real Madrid” – “Barselona” uchrashuvi 26 oktyabr, shanba kuni Toshkent vaqti bilan soat 00:00da boshlanadi.