Anchelotti: "Biz muxlislarimiz oldida yaxshi o‘yin ko‘rsatishni istaymiz"

Madridning “Real” klubi bosh murabbiyi Karlo Anchelotti jamoasining “Barselona” bilan Ispaniya Primerasining 11-tur uchrashuviga tayyorligi haqida gapirdi.

O‘yin Madridda "Santyago Bernabeu" stadionida bo‘lib o‘tadi. Uchrashuv bosh hakamining start hushtagi Toshkent vaqti bilan 00:00da yangraydi.

"Klassikolar raqobatbardosh va shiddatli o‘yinlar. Biz muxlislarimiz oldida yaxshi o‘yin ko‘rsatishni istaymiz. "Barselona" juda jasur, yaxshi futbol o‘ynaydigan jamoa. Biz o‘yinga yaxshi tayyorgarlik ko‘rishimiz va iloji boricha yaxshiroq o‘ynashga harakat qilishimiz kerak", - deya Anchelotti so‘zlarini keltiradi Ispaniyaning mashhur AS internet nashri.