Vinisius: "Anchelotti yechim topdi"

"Real" hujumchisi Vinisius Junior jamoa o‘z o‘yinini topdi, deb hisoblaydi.

"Los Blankos" mavsumning dastlabki oylarida qiyinchilikka duch keldi. Karlo Anchelotti Kilian Mbappe va Vinisiusni bir vaqtning o‘zida sifatni yo‘qotmasdan va jamoaga zarar yetkazmasdan maydonda joylashtirishi qiyin bo‘ldi. Murabbiyning o‘zi ham "Real"da muvozanat yetishmayotganini tan oldi.

Yaqinda La Liga doirasida "Osasuna"ga qarshi o‘yinda (4:0) braziliyalik forvard xet-trik qayd etdi. Uning so‘zlariga ko‘ra, muammolarning yechimi allaqachon topilgan.

"Men eng yaxshi formamdaman. Umid qilamanki, biz ko‘plab sovrinlarni qo‘lga kirita olamiz. Murabbiy vaziyatga yechim topdi", - deya Vinisiusning so‘zlarini keltiradi Madrid Universal.