Anchelotti - «Real Madrid» muammolari haqida: «Biz yechim topdik, ammo buni amalda ko‘rsatishimiz kerak»

Karlo Anchelotti «Real Madrid» o‘yinda muammolariga yechim topganini aytdi.

Madrid klubi ketma-ket ikki o‘yinda mag‘lub bo‘ldi - «Barselona» (0:4) va «Milan» (1:3).

La Liganing 13-tur uchrashuvida «Real» «Osasuna»ga qarshi maydonga tushadi.

«Albatta, gaplashdik va vaziyatni tahlil qildik. Biz yechim topdik, deb hisoblaymiz, ammo buni amalda ko‘rsatishimiz kerak.

Bizda birlashgan va motivasion jamoa bor. Biz to‘g‘ri yechim topdik. Lekin biz vaziyatni to‘g‘ri baholadikmi yoki yo‘qligini tushunish uchun o‘yinni kutamiz», - dedi Anchelotti.