Peres Anchelotti ishini to‘liq qo‘llab-quvvatlaydi

«Real Madrid» prezidenti Florentino Peres bosh murabbiy Karlo Anchelotti ishini to‘liq qo‘llab-quvvatlaydi.

Manbaga ko‘ra, Peres OAVda paydo bo‘layotgan mish-mishlarga e’tibor bermaslikni aytgan. U Anchelotti va futbolchilarning ishini to‘liq qo‘llab-quvvatlaydi.

Peres 24 noyabr kuni bo‘lib o‘tishi kerak bo‘lgan Delegatlar assambleyasiga hozirdanoq tayyorgarlik ko‘rmoqda. Hech narsa o‘zgarmasa, u qayta saylanish uchun kurashadi.

«Real Madrid» hozirda La Ligada 2-o‘rinda, Chempionlar Ligasida esa 18-o‘rinda bormoqda.

«Real Madrid»ning navbatdagi o‘yini 24 noyabr kuni «Leganes»ga qarshi bo‘ladi.