Anchelotti tajribaga tayanadi

«Real Madrid» bosh murabbiyi Karlo Anchelotti bo‘lajak «El-klasiko»da Luka Modrichni maydonga tushirishni rejalashtirmoqda.

Uchrashuv shanba kuni Toshkent vaqti bilan 00:00 da start oladi.

"Relevo" xabariga ko‘ra, «Los-blankos»ning asosiy tarkibida asosiy o‘ringa ega bo‘lmagan 39 yoshli xorvatiyalik futbolchi ilk daqiqalardanoq «Barselona»ga qarshi maydonga tushadi. Dortmundning «Borussiya»si bilan oldingi uchrashuvda (5:2) ham yarim himoyachi boshlang‘ich tarkibda maydonga tushdi va 71-daqiqada Eduardo Kamavingaga o‘rnini bo‘shatib berdi.

Luka Modrich joriy mavsumda barcha musobaqalarda 14 ta o‘yinda 3 ta golli uzatmani amalga oshirdi.