Rodrigoning klasikoda o‘ynamasligi tasdiqlandi

«Real» vingeri Rodrigo La Liganing 11-turida «Barselona» bilan o‘ynamaydi, deb xabar berdi insayder Fabrisio Romano.

Manbaga ko‘ra, bugungi tekshiruv 23 yoshli braziliyalik futbolchi Chempionlar ligasi doirasida «Borussiya D»ga qarshi o‘yinda (5:2) jarohat olganini tasdiqladi.

«Real» - «Barselona» o‘yini 26 oktyabr, shanba kuni bo‘lib o‘tadi. Start 00.00 da.

Joriy mavsumda Rodrigo 12 ta o‘yinda 3 ta gol urdi va 2 ta golli uzatmani amalga oshirdi.