«Vinisiusga «Oltin to‘p»: «Real» muxlislari junbushga keldi

«Real Madrid» muxlislari «Osasuna»ga xet-trigidan so‘ng Vinisiusni qo‘llab-quvvatlashdi.

«Real Madrid» vingeri La Liganing 13-turida uchta gol urdi.

Braziliyalik futbolchi birinchi bo‘limning 34-daqiqasida raqib darvozasini ishg‘ol qilgan bo‘lsa, o‘yinning ikkinchi bo‘limida ham – 61 va 69-daqiqalarda yana ikkita gol urdi.

Shundan so‘ng, «Santyago Bernabeu»dagi muxlislar «Vinisiusga «Oltin to‘p»!», - deya hayqirishdi.

Vinisius joriy mavsumda La Liganing 12 ta uchrashuvida 8 ta gol urdi va 4 ta golli uzatmani amalga oshirdi.