Vinisius so‘nggi 6 o‘yinda 7 ta gol urgan

Vinicius Junior «Real» safidagi so‘nggi o‘yinlarda samarali o‘ynamoqda.

«Real» vingeri barcha turnirlardagi so‘nggi 6 ta o‘yinda 7 ta gol urgan. Bugun braziliyalik futbolchi La Liga doirasida «Osasuna» darvozasiga gol urdi.

Vinisius avvalroq «Milan» (1:3), «Selta» (2:1) va «Vilyarreal» (2:0) klublari darvozalariga gol urgan. Oxirgi 6 ta o‘yinda u faqat «Barselona»ga gol ura olmadi (0:4).

La Ligada Vinicius mavsumdagi 12 o‘yinda 6 ta gol va 4 ta golli uzatmani amalga oshirdi.