Rodri «Real»dan qo‘ng‘iroq bo‘lsa, qanday javob berishini aytdi
"Manchester Siti" jamoasi yarim himoyachisi va "Oltin to‘p" sohibi Rodri, agar Madridning "Real" jamoasi unga qo‘ng‘iroq qilsa, qanday munosabatda bo‘lishini aytdi.
"Agar menga "Real" qo‘ng‘iroq qilsa? Albatta, tarixdagi eng yaxshi va muvaffaqiyatli klub sizning oldingizga chiqsa, bu — sharaf. Hamisha hushyor bo‘lish kerak", — dedi Rodri Ispaniyaning "El Larguero" nashriga bergan intervyusida.
Avvalroq, "Real" klubi Rodrini 2025 yil yozida sotib olmoqchi ekani haqida xabar qilingan edi.
Eslatib o‘tamiz, Rodri 1960 yildan buyon "Oltin to‘p"ni qo‘lga kiritgan birinchi ispan futbolchisi bo‘ldi. U shu mavsumda uchta o‘yin o‘tkazdi, keyin esa tizza bog‘lamlaridan jarohat oldi.
Manba: championat.com
