Rodri ijtimoiy tarmoqlarsiz "Oltin to‘p"ni qo‘lga kirita olmasligini aytgan Morataga javob qaytardi
Ispaniya terma jamoasi va "Manchester Siti" yarim himoyachisi Rodri 2024 yilgi "Oltin to‘p"ni qo‘lga kiritishidan oldin "Qizil furiya" va "Milan" hujumchisi Alvaro Morata bilan bo‘lib o‘tgan suhbatlaridan biri haqida gapirdi.
"Morata menga shunday dedi: "Haqiqat shuki, sen ahmoqsan. Agar senda ijtimoiy tarmoqlar bo‘lganida, sen allaqachon "Oltin to‘p"ni qo‘lga kiritgan bo‘lar eding" - dedi. G‘alabadan so‘ng darhol unga yozdim: "Mana, "Oltin to‘p" va ijtimoiy tarmoqlar yo‘q", deb javob qaytardim", - dedi Rodri COPE bilan suhbatda.
"Manchester Siti" yarim himoyachisi 1960 yildan beri "Oltin to‘p"ni qo‘lga kiritgan birinchi ispaniyalik futbolchi bo‘ldi.
