Anchelotti "Real Madrid"ning muammosini aytdi
"Real" bosh murabbiyi Karlo Anchelotti jamoaning o‘yinidan qoniqish hosil qilmayotganligini aytdi.
"Qaymoqranglilar" qiyin kurashda La Liganing o‘ninchi turidan o‘rin olgan uchrashuvda "Selta" ustidan g‘alaba qozondi (2:1). Uchrashuvning 66-daqiqasida Vinisius Junior g‘alaba to‘pini kiritgan bo‘lsa, birinchi bo‘limda Kilian Mbappe gol urdi.
"Biz oxirigacha kurashdik, ammo bundan ham yaxshiroq harakat qilishimiz mumkin edi. Himoyadagi o‘yinimiz meni xavotirga solmoqda. Biz raqibning qarshi hujumlari paytida yuzaga keladigan himoyadagi muammolarni to‘g‘irlashimiz kerak", - deya italiyalik murabbiyning so‘zlarini keltiradi Madrid Universal.
