Flik Yamalning nega maydonga tushmaganini tushuntirdi

"Barselona" bosh murabbiyi Xans-Diter Flik nima uchun Lamin Yamal "Real Sosyedad"ga qarshi o‘yinni o‘tkazib yuborayotganiga javob berdi.

Odatda asosiy tarkibda maydonga tushadigan "ko‘k-anorranglilar"ning 17 yoshli vingeri bugun hattoki zaxira o‘rindig‘ida ham yo‘q.

"Biz qo‘limizdan kelganini qildik, lekin biz Laminga g‘amxo‘rlik qilishimiz kerak - uning to‘pig‘ida muammolar bor. Bizga muhim o‘yinchi yetishmaydi, ammo yakunda Yamalning o‘rnida Fermin Lopes bor. So‘nggi o‘yinlarda u ham yaxshi o‘ynadi.

Lamin qancha vaqtga safdan chiqqanini bilmayman. Hozir bor e’tiborimizni "Real Sosyedad"ga qarshi o‘yinga qaratganmiz", - deya Flik so‘zlarini keltiradi Barca Universal.