"Barselona" Yamal bo‘yicha rasmiy bayonot berdi

"Barselona" vingeri Lamin Yamal jarohati sabab "Real Sosyedad"ga qarshi o‘yinni o‘tkazib yubormoqda.

17 yoshli futbolchi La Liganing bugungi o‘yinida "Blaugrana" qaydnomasiga kiritilmadi va bu kutilmagan hol bo‘ldi.

"Chorshanba kuni "Srvena Zvezda"ga qarshi o‘yinda Lamin Yamal qattiq zarba oldi. U tiklanish kursidan o‘tdi, ammo hali ham noqulaylikni boshdan kechirmoqda", - deyiladi "Barselona" rasmiy bayonotida.

Start hushtagi chalinishidan oldin kataloniyaliklar ustozi Xans-Diter Flik Yamal to‘pig‘idagi muammolar tufayli tarkibda yo‘qligini ma’lum qildi.